السلام عليكم يا أهل حرمه ,,,

يالله تحيي كل واحد بأسمه
بصراحه اليوم انا مدري وش فيني من صحيت من النوم وانا ماسكه معي فلسفه وهذره , قلت يالله اجي عند اهل ديرتي أدردش معهم واقولهم بسواليف حصلت معي ومنها اعطيهم من ذيك الصورايخ لاني داري انهم بيرحبون فيني ويتقبلوني يازينهم والله .
القصه :
كالعاده اول ما صحيت من النوم نقزت غسلت وجهي وحكيته بليفه علشان اطلع وسين (سعد جمعه) ورحت للسطح امارس رياضتي المحبوبه اليوغا ( مايعقل مالك الا ابو مازن )
المهم وانا متحمس تذكرت اني مواعد عبودي (ابو سر) علطول نزلت غيرت ملابسي ورحت عند بقاله ابو سمير طلبتلي شاني وفش فاش للفطور وتكيت بالدكه ولا شوي ولا يجي ابو سر وتبادلنا الجغم ( جمع جغمه = رشفه ) من الشاني وبدينا نتذكر الماضي الجميل أأأأأأأأأأه ( اللي يسمعه يقول جالسين على البحر مع خطيبته)
قلت لعبود تذكر السالفه اللي اللي صارت معي بالاتصالاات ,, خزني ذيك الخزه وبقز عند خشتي يقولي الله لا يرد ذيك الايام انا تخرعت مسكت مفتاح العجل ورا ظهري احسبه بيتهاوش معي هههه

المهم ما اطول عليكم القصه ومافيها هذي البنت انا ابيها ( يابو الشباب خربت الجو )

لا جد مره دق علي واحد من الشباب
انا: الو
هو:هلااا يالاصفر (مدري ليش يسموني الاصفر)
انا: هلا فيك, وش تبي ؟
هو: هو ابد سلامتك بس جوالي انفصل وابيط تطلعلي واحد بأسم ونحوله بأسم اخوي بعدين ( يبي رقم مميز).

طبعا هو بالشرقيه وانا بالرياض يعني مشوار المسافه زي منتوا عارفين
المهم طلعت للاتصالاات وطلعت واحد بأسمي 055 وكل شي ماشي كويس مافيش اي حاقه حصلت
جا يوم الاربعا طلعت من الدوام شغلت موتري ودزيت للشرقيه علشان اتنازل عن الرقم لاخوه, وصلت الساعه 2 الساعه 4 انا وخويي واخوه بالاتصالات فرع الراشد لانه كان اقرب لنا ومنها بعد اكشخ على اخوياي دخلنا على الموظف وطلبنا استماره تنازل قالنا لازم تاخذون رقم وتصفون بالدور
عادي رحنا بناخذ رقم حالنا حال العالم مالقينا شي خلصت الارقام , رجعنا للموظف وعلمناه قالنا خلااص اذا خلصت الارقام انشالله بنساعدكم , والله والنعم فيه كفوو مسكنا سرى ياعالم الى قبل صلاه العشا ب10 دقايق وطبعا الارقام خلصت وما بقى الا حنا نقزنا للمسؤول عطيناه الطلب قالنا: تعالوا يوم السبت !؟!؟!؟
قلتله: ليش يالغالي ؟
قال:خلص الدوام
قلتله: طيب باقي على العشا عشر دقايق يمدينا انشالله نخلص فيها كل شي
قال: والله الموضوع هذا موب بيدي روحوا تفاهموا مع المدير

المهم رحنا للمدير ونكلم المدير
حنا: السلام عليكم
المدير: وعليكم السلام < من دون نفس >
انا: يالطيب عندنا هالرقم وودي اتنازل عنه للرجال هذا
المدير: تعال يوم السبت انتهى الدوام
(غريبه ياعالم العشر دقايق هذي مو مع الدوام ولا وشو ؟؟؟؟؟؟)
انا: يالغالي باقي شوي على الصلاه يمدينا كلها ضغطه زر وانتهى الموضوع
المدير: ياخي انت ما تفهم خلاص بنقفل
انا هنا خلااص فيوزاتي بدت تتضارب
طلعت من مكتب المدير ورحت للمسؤول براسي فيلم هندي يمكن يقدر ظروفنا, والله بدى يخورها الموظف خلاص شوي وياخذ الاوراق ولا صوت المدير يا فلان تعال ابيك ( والله من النحاسه اللي فيه)
بس قاهرني المدير تقول كأنه (مرة أبو) هههههه . المهم طلعنا من الاتصالاات وحنا ضايقه صدورنا نفكر وش بنسوي انا قلت خلها الحين بأسمي مؤقت واذا حصلتلي فرصه جيت وكملنا اجراءات الطلاق اقصد التنازل . طلعت من الشقه وتبويس وتوديع والوقوف عند الاطلال ( <=-- هذا كله علشاني بسافر ) وأرجع للرياض.

= بعد اسبوع
نفس الحاله سافرة الاربعا للخبر على امل اني بخلص بس ذي المره ما رحنا للراشد طلعنا فرع اللي في الدمام مدري وش اسم الحي
المهم دخلنا الفرع وفهينا شوي من كثر الزحمه تقول داخلين سوق الخضره عشر طعش نفر على 2 مدري 3 موظفين وناخذ رقم ويطلع رقمنا 65 والرقم اللي عند الموظف 30 يعني شوية مشوااار انا جلست اقرى جريده ينقالك مثقف وخويي انسدح وخذاله غفوه هههه والثالث طق صداقه مع شله باكستانيين شكله يعرفهم من اول . صدفه التفت ولا اللي جنبنا رجال شايب بيمشي واطل على رقمه ولا 38 ياسلااااااام تمام جت من الله , كلمته وعطاني الرقم ومشى مدري ليش شكله مزنوق حبتين
جا دورنا وجلسنا عند الموظف ونعطيه ورقه التنازل وجلس يطقطق على الكمبيوتر وحنا متنحيين فيه يوم رفع راسه انا قلت بقلبي اخيرن ولا يقولي الجوال عليه فاتوره لازم تسددها بغيت ابكي والله رحنا الينك ونصف دووووووور عريض طوييييييييل ساعتين علشان نسدد الفاتوره وش جذااا ياحبهم للزحمه عندنا
ورجعنا للموظف ودرعمنا عنده ألتفت علينا
وقال: وين يابو الشباب ؟
قلتله: انا توني جايك بس رحت سددت الفاتوره وجيت
قال: خذلك رقم الله لا يهينك وامسك سرى ( ياليييييل الليل) ما سوى علينا ذا الجوال من صف لصف من فرع لفرع بس وش اسوي امري لله ما بيدي شي لا غير كذا ما عندي واسطه سياحي رحنا حنا الثلاثي المرح واخذنا رقم واجلس وانواع الزحمه والله بس اللي قاهرني ليش زحمه وفيها مكاتب فاضيه ووين الموظفين ؟؟ ليش ما يستغلونها
مو مشكله ياخذوني يوم اخلص معاملاتهم كلها واطلع بدون راتب بعد
الزبده اذن العشا وخلصنا من السالفه هذي اخيرن بعد المرمطه ذهي كلها

الواحد الحين اذا بغى يتنازل او يخلص اي معامله لازم ينحاس كذا ؟؟
مدري وين العيب فيه مني ولا من الشسمه ؟؟




واسف على الاطاله ,,,



اخوكم سيف الجزيره

الله يعظم أجرك

اللة لا يبلانا

أجرنا واجرك اخوي سديركم

من جد الله لا يبلانا ...
بس انتبهوا لا تروحون الا وعندكم واسطه أسألوني

اخوكم سيف الجزيره

اوح اوح يؤؤؤؤؤ

الله يصبركم يا حقين الاتصالات

من جد حاله

خلاص بنقاطعهم

"اتحداك"

كككككككك

مشكور اخوي والله يعينك

هلا اخوي دايم السيف .......

جدا جدا جدا مقدر شعورك و انت تعاني في المرمطه الي صارت لك

و ما قدرت التقدير هذا كله الا لانها صارت لي
( لو ما صار لي شي ما جبت خبرك )

المهم....
انا سالفتي اهون شوي من دايم السيف يعني ما فيها سفرات و تنقلات و
الراشد
قبل فتره زمنيه قدمت على رقم هاتف ثابت ......... و قدمته عن طريق التلفون بالاتصال على 907 ( انتبهو من الرقم هذا ..... لا نه يسبب رفع الضغط و تعكر في المزاج و يؤثر على الحاله النفسيه للمستخدم )....
انا قدمت على الرقم في تاريخ 20 رمضان ....... الحبايب ما ركبو لي الرقم الا في تاريخ 15 شوال...... هذه مشيناها لانه شي متعودين عليه ... مع انه يوم صدرت الفاتوره حسبو الرسوم من تاريخ 20 رمضان وهم توهم ما ركبوه ؟؟؟ !!!!
استخدمت الررقم و طبعا كل استخدامي كان على الانتر نت .....
و في يوم من الايام انقطع علي الخط...... دقيت عليهم استفتسر رد علي الموظف و قال لي دق على 904 و هو يعلمك اذا فيه مشاكل في خطك او بالعربي خراب ..... دقيت على 904 قال لي الموظف اوكيه دق علينا بكرة و راح نعلمك بالنتيجه الي اكتشفناها لاننا الان حطيناه تحت المراقبه ( مباحث الصيانه ) .. يوم دقيت بكرة قال لا ما فيه اي مشكله لكن دق على 907.. قلت ان شاء الله .. و ادق على الرقم المنحوس 907 رد علي الموظف و قال : اها خط وصل للحد الاعلى و قفلناه عليك ( انا مستغرب الموظف الي امس يقول ما اقدر افيدك بشي دق على 904 و هذا الموظف يقول لا خط مقفل ) .... قال لازم تروح لاي فرع لشركه الاتصالات و يصدرون لك فاتوره جزئيه و تسددها ( نفس الي صار مع سيف الجزيره صار لي ... بس انا اخف شوي )
اصدرت فاتورة و سددتتها .... و من يوم ما سددتها و انا اتحرى الخط يرجع بشغف كبير... و كل ما دقيت عليهم قالو بيرجع لك ان شاء لله في اخر الليل... هذه طريقه النطام ..... انا على نياتي مبسوط وماادري ان الدعوى فيها مرمطه و خربطه...... جاء اخر الليل لكن رقمي ما جاء
دقيت عليهم قال لي الموظف لا بكرة ان شاء لله الصباح ..... جاء الصبح و بطل قصتنا الى الان ما رجع .... و مرة ثانيه ندق عليهم و نشوف وش القصه ... صرفني تصريفتهم المعتاده و قال لي النظام خربان الان ... ( و الله على هذه الحال و كل ما دقيت قالو العصر و الي يقول الليل و الي يقول بعد ساعتين )
انا انقطع علي يوم السبت سددت الاحد الصباح .. الخط رجع لي يوم الابعاء الصباح ) .... طبعا غير الاحداث الي صارت في المده هذه ...
و كل البلوى بسبب الحد الائتماني......
على طول اول ما رجع لي الخط و ادق عليهم و ارفع الحد الى اقصى شي ... الي هو 3000 ريال ... طبعا هذا على كلام الموظف....
و ايضا اشتركت في خدمه التخفيض للنت الي مزعجينا فيها ...

بعد فتره قطعوه علي مرة ثانيه و نفس الشي ... الحد الائتماني .....
قلت لهم طيب انا رفعت الحد .. قال الموظف لا ما رفعناه ....... و المصيبه و الطامه ان خدمه التخفيض ما شبكوها لي و انا كنت داق عليهم و مشترك فيها ..........
(( نصيحه لاي شخص مشترك في خدمه تخفيض النت يشيك عليها عن طريق المنحوس 907 ..... و يتأكد انه مشترك فيها )) .......
و طبعا نفس الاحداث صارت لي .... و في الاخير و في اتصال من الاتصالات الي كنت اجريها على 907 ... طلبت اني اكلم المدير المناوب ... و الحمدلله كان متفهم جداااا للحاله النفسيه ... و وشرحت له القصه الي صارت لي ( كأني اشحذ منه ) ....... و الله العظيم اني قفلت منه ... نص ساعه فقط الا الخط راجع لي ........ لا تعليق ؟؟ !!

اسف على الاطاله و ايضا اقدم اسفي لك يا سيف الجزيره على سرد قصتي بجانب موضوعك ........( انا وياك الحين اصدقاء مشاعرنا وحده خخخخخخخ )
يعطيك العافيه اخوي سيف.........

يا سيف الجزيره صدقني النحس مهب فيك النحس في "ابو سر"

jbrgjvsdfhmbkej,sd

والله انك صادق يا طلال ذا ( ابو سر ) داهيه

مشكور على مشاركتك اخوي سديراوي بس ما اتوقع ان السالفه كذا


اخوكم سيف الجزيره