صووووووووباح الخير




من كثر ماسهرت مابقى شي الا هوجست فيه ولا بقى شي والا وتذكرته ..
مير فيه ذكريات مدري وش تبي

المهم .. مدري وش خلاني اتذكر يوم ان عمري خمس سنين

وانا ممده رجيلاتي عند التلفزيون واكل شبس تسالي

واشوف افلام كرتون .. واقعد اتذكر افلام كرتون واحد واحد

بس اكثر واحد كان يقهرني ويجيب لي الصيحه هذا



ياهو بارد بشكل
من جد كان ينرفزني .. وانا اتحمس عاد مع الاحداث
واقول يالله بسرعه ..يووووووه


والا عاد تويتي وذاك القطو سلفر <<< الاثرم


وهذا بعد .. بيب بييييييييب




طبعا" هالخرابيط تجي الصبح ( تصبيره بس )

اما المدبلجات اللي عليهن القيمه يجون العصر .. وانواع الاستعدادات اذا بغيت اشوفهن
ما اخلي حلاو ولا ببسي بالبيت الا واجيبها عندي <--- مدري وراه يطقني جووووووع مع الحماس



اوووووه عاد على ايام هايدي وبييييييييتر الله يذكرهم بالخير


بس فيه شي ما لاحظته الا يوم كبرت .. اللي يأدي صوت جدة بيتر واصوات الغنم اللي يسرح بهم نفس الممثل
اقسسسسسسم بالله نفس الصوت ..

---------------------------------

والا عاد سالي .. والا ريمي .. تعاطفت معهم بزود طقتني البواتسي عليهم ..
استاثمو فيني هالاثنين لا بارك الله فيهم


و احلىىى احلىىى شي ليدي واليس في بلاد العجائب

--------------------------------------
واهممممممممممم واحد كبتن ماجد ..
مع اني بنت بس كنت اتابعه وتأثرت به بعد
لعب بالعالم ماجد وشريت كوره عقبه
اجل ثلاث اجزاء
هوانم قاردن سيتي على غفله

تخلص الحلقه وهو يطير بالسما عشان بيشوت الكوره
ويبتل متعلق الييييييييييييين باتسر العصر




ايام والله العظيم

يازين ايام المبزره وناسه وبرائه من جد

عاد يوم كبرنا شوي صرنا نجيب افلام كرتون مووووووووشفر شوي
الا وهو --------------> كبماروووو


حتى اتذكر اغنيته ..

((بطل يحب طعام الشومن )) <----- تعذبت ابي اعرف وشو الشومن !!
والى الحين ما عرفت





اكيد انتم بعد كان عندكم افلام كرتون مفضل وغيره تكرهونه
خللونا نتذكر ونضحك
وش ورانا ؟!
كلنا كنا بزارين ...... عفوا" ( اطفال )




استنى مشاركاتكم وردودكم

متكيييييييييييييييييييييييه هلا وغلا
وخزياااااااااااااااااااااه انتي اللي اشوفتس عند بقاله التركي كل شبت اروح فيه لبسطتي
اقول قولي تم عازمتس على مفطح يوم السبت الجاي هاه لاترديني

ياااااااااااااقلبيه هااااااااايدي امووووووووووووووووت فيها

واحب سالس سااااااااااااالس ساااااااااالس

انا قصت انسان انا جرح الزمان انا ساااااااااااااااالي سالي

اشكرك علو الموضوع الذي دعدغ مشاعرنا<<<< حلوه دغدغ
تحياااتي لك متكيه

استناس يوم السبت

يووووووووووووووووووه والله دنيا!!

تبي ترجعينا يالتكيه لأيام قديييييمه؟؟؟

<<<<<<<<< موب عاقل ابو 60

لا من جد ذكرتيني بمنووووول خاصة إذا سنترنا عند التلفزيون وجت قبل افلام الكرتون حقت العصر أهم الأنباء.. عاد فيه واحد من اخواني إذا جت اهم الأنباء ينادينا عشان نتولم لأفلام الكرتون ومع الحماس مايقول أهم الأنباء يقول (همب الهمباء) ومزاااااااااااااااااااااعق الييييييين نجي...

بس ماتعرفين الشومن يالخبله!!! افاااااااااااااااااااا هذا وأنا اقول أن متكيه فاهمه وثقافتها عاليه؟؟ اثرتس طلعتي (خمبق)!!!

الشومن ياعزيزتي <<< موب عاقل قعد يتفلسف!! مدري بس الظاهر انه الشعيريه؟؟؟ الا الشعيريه!!!

<<<< طيب أحد قالك شئ!!

المهم ماتلاحظين انتس نسيتي (كعبول) اللي اغنيته :

كعبول .. كعبول .. الكلب الأكول
يتبع عبقرينو .. المخترع المجهول
والقط المشاكس القط المشاكس...

<<< تحمس!!!!!!!

وفيه بعد (سانشيرو)
وفيه (فارس) الملاكم
وفيه (بسيط) واذكر اغنيته :

بسيط بسيط .. واسمه بسيط
ولكنه ...... مخلص ونشيط!!

واصبري وش فيه.. وش فيه.. ايه :

نسيتي اهم شي (عدنان ولينا)
و(جريندايزر)
و (رعد العملاق)
و (جونقر)
وووووو....... الخ

<<<<<<<<<< موب يخلي شي منول كلش يتابعه؟؟؟!!!

عاد والله الى الحين تخمني ويطقني الحنين واشوف اخواني الصغار يتفرجون واتحمس معهم ولاادري الا وانا داخل في التلفزيون!!

الظاهر اني طولت.... يالله ثانكس متكيه...........

يا حبني لكم يا هالاثنين ..

فناة سوق السبت (السبت مول)

وهذا وش اسمه وش اسمه .. فرخ مدري كتكوت

دايما" تتفاعلون مع المواضيع وردودكم حلوه

فتاة السبت ترى كلنا كنا نحب سالي .

بس الغريب ان البنات يتهاوشون كل وحده تقول انا سالي
وانا اقول لا انا ميري <---- الشريره ام شعر اصفر
؟؟؟؟؟؟؟؟؟!!!!!!!!!!!!
مدري وراه اختارها .. يمكن دليل على خلفيه شريره عندي ؟
والا اني احب الزين مهما كان غالي .. ولو هو صعب ..... الخ
ميري كانت طخمه ترى
وانا ابي اصيلر طخمه وبس شريره حبيبه كللللللللللله واحد

<--------- ياكثر بربرتتس


كتكوت مشا الله متابع احسن منى والله ..
اما (همب الهمباء) ههههههههههههههههههههههههه
اخوك حالته صعبه .. شكل اللحميه لاعبتن بخشيمه ..



احم ..

بايو

هلووووو متكيه

حاااااقه حلوه اوي

نررررررررررقع زي ما كنا اطفااااال صوغيريييييييين أد النمله

انا يا طويلة العمر كنت احب بسااااااام الي يلعب مع ماجد وانقهر دايم لانه يخسر الا اخر مباراه بالجز الثاني تعادلوا 4/4

واغنيته بعد

سدد اهدافا نحو المرما لا تخشى الحارس هييييييييه كن حسن الصنع ولا تعجل مدري وشو الباقي هيييييييه


"هييييييه" هذي جايه مع الاغنيه يعني يقالهم متحمسين


وفيه بعد

راااااابح

ذاك اليوم تكرفست كل منه جاي بسوي زيه

وحرمت اناظره لكن مع مرور الايام غصبن على خشتي اني اناظره


ووووووووو

وفيه حق الكونغفووووووو

عجزت انطقها زين لين ما علمتنياها امي


وبرضووووووو ذاك اليوم عورتني يدي شفته يصقع بشجر

قمت اصقع بنخله لين عورتني يدي

ووووووووووو

بس

سلامتكم

تحياتي لكم

صدىى

هلووووات

اجل تقلد ( حق الكونغفووووووو) <------- للأمانه ترى سويت نسخ ولصق

اصلا منتب لاقي الا النخل تصقعه .. كل واحد وبيئته يا بابا

ميرسي بوكو على المشاركتووو

باي ...........

متكية ..

أثرتس لاحقة على افلام كرتون حقات منول << من اسناننا هالبنت

تذكرين أبو ذنب ويسمونه بعض الشعوب (( ترم ترم )) واللي عندهم تلفزيون ملون يسمونه النمر الوردي << ياي .. وعاد حنا في بيتنا متطورين مرة نسمية بنك بانثر << أفلقني ان كانك متطور أنت واهلك ..

موضوعتس متعوب عليه .. وتسلم يمينك
وذكرتيني منول بأيام الانبطاحه قدام التلفزيون وقت العصر ونتابع افتح ياسمسم الجزء الاول هههه وعدنان وليناء أول ماطلع في التلفزيون << شااايب ..

وبعدين وراتس كاتبتن هالموضوع ؟ .. قطنتس ودنتس ترجعين زي اول !!
خلاص أطلعي في الحوش وألعبي دبق وألبسي هيلا هوب وشرايط بيض في شعرتس ههههه

مشكور لموضوعتس هالي يوسع الصدر

وفي الختام ..

مهما عملنا ,, لنعيد ذكريات الماضي .. كل شي قد نعيده .. وكل شي قد نوفره .. ولكن .. الوقت .. والعمر .. وشعور الطفولة .. كلها أمور عدت وانتهت ولايمكن استرجاعها الا من خلال مشاهدتنا لأبناءنا وهم يلهون ويلعبون ليفرحون ونفرح بهم !!!

أسف على الاطالة .. ولكنك عيشتيني في جو خاص مليء بالذكريات ومليء بالحسرات .. !!

تسلم يمينك وتحياتي لقلمك .. <<< أول مرة أصير رسمي بلاني أكتب وانا أصيح

يالله حييييييييييييييييّه

القروي اخبرك اعتزلت مدري انحشت من المنتدى !!

هلا بك والله وتو مازان موضوعي خيووو قروي

بس حسستني بتأنيب الظمير

وراك تبتسي ؟!

هالذكريات هي الشي الوحيد اللي يخلينا نضحك في زحمه الحياة

بس شكل طفولتك مااااااش ..

تقدر تزور موضوعي .. مشاكل .. سواليف
عشان تفضفض هونيك <------- انواع الدعايات






الا تعال .. من قال اني من اسنانكم انا توني صغيروووووووونه




تشاااااااااو

هااااااو

قروي .. وش سويت انا ؟؟

[align=center]بسم الله الرحمن الرحيم

السلام عليكم ورحمة الله وبركاته
هلا والله باللي متكيه عند بقالة التركي.... مدري شكلك فارشة بسطتس تنافسينهم
هاللحين كل هذي الافلام ماشاء الله كنتي تتابعينهم .. ما لحقنا الا على ميكي و سندباد...
صحيح ضيقتي صدري وانا اتذكر طفولتي الموحشه ( ما غير مطارد في عز القوايل في الشوارع )
لا وحافيين والقار نار مع هذا سبحان الله كانه مقري عليه وصاير ( برد وسلام ) ما نحس بالحراره الا اذا رجعنا لبيوتنا مع الغروب ( بعد هدف المغرب) مدري تعرفونه والا نشرح لكم (( هذا الهدف اللي يجي مع صلاة المغرب عن عشرة اهداف يعني لو انك منهزم 9/0 وتسجل هدف المغرب تقلب النتيجه (( والله قانون ))

بس ما قلتي وش هذي (( سالي )) اللي ماخذه عقولكم
المهم اشكرك على الموضوع الحلوووو وتسلم الانامل .... وياليت الله يرحم والديس تسلمينلي على راعي التكان وتجيبين معك ميرندا وبسكوت مينوا

القروووووي .... يسعدلي هالفــــــيس .... وينك ... لا يسير لزموا عليك ما تعتزل ... ما خليتنا نكمل الفرحه على طووول ترجع يــــا (( يوسف الثنيان ))) ...تعااااااال وخذ هذا ما نقدر على فرقاك يازين الوسرة[/align]

وعليكم السلام ..



هلا حميانووووووه <------ شايلتن الكلافه

اقول وش فيك علي انت ؟؟

وراه حارقن رزززززك اني اتكي عند البقاله ؟؟

لا تصير حقتك وانا ما ادري



و بعدين هات قروش عشان اجيب لك مينو وميرندا ...
اكد على عميان انا !!




يالله انهج ..