على طاري تاريخ الميلاد يا ليالي نجد



كلنا يالسعوديين منول ياخذون السنة في الاحوال المدنية بس ... أما اليوم والتاريخ يلصقون

1 / 7 / ..... هـ

تذكرووووون هالشي

أتذكر في سنة كنت في بريطانيا أدرس لغة وكانوا في المعهد يحطون لوحة كل يوم للطلاب اللي يصادف تاريخ ميلادهم ويبروزن أسمائهم ويكتبون (( اليوم عيد ميلاد فلان وفلان )) واحيانا شخص واحيانا شخصين بس !!

ويوم صادف ذاك اليوم بالتاريخ الميلادي يومنا يالسعوديين أللي هو 1 / 7 / ... هـ مادرينا الا وجايني خطاب وش طوله قبل بيومين !!! يقولون :
ننتظر تكريمك في عيد ميلادك ونتمنى أن تلبس الزي الوطني لبلدك لأن هناك مفاجأة لك !!!!

رحت في ذاك اليوم اللي يصادف بالعربي 1 / 7 / .... هـ وحصلت كل الطلاب السعوديين صافين مثلي وعددنا 20 وجايبين بعد طلاب المعهد الثاني وعددهم 23 وصفونا وقالوا ماشااااء الله أنتم يالسعوديين كلكم مولودين بيوم واحد وش هالدقة عند أبوانكم

وكان السفير من ضمن الحضور والصحافة والتلفزيون لانه حدث غريب أنه يصادف عيد ميلادنا حنا يالسعوديين يوم وااااحد اللي هو 1 / 7 / ...... هـ

وسلم لي على الاحوال المدنية منول ياهم فضحونا

أسف على الاطالة وعارفك والله ماودك اخرب الموضوع بشطحات بس لاتواخذيني
اخيتي