ما سمعت بقصه البنت القليله في حياها ** والحقير اللي تركها دون دم ولا قتيله

صدقت كل العجايب بالحياة الا نساها ** كل شي الا يروح ويبتعد ذي مستحيله


اول القصه بدت يوم هالخاين بداها ** اقسم انه ما يمر اليوم الا البنت ذي له


صار له ما كان يبغاه وقدر يكسب رضاها ** يشتكي من جور الايام ويجبرها تشتكيله


حبها من كثر ما هو حبها يتبع خطاها ** حبيته من كثر ما هب حبته صارت تجيله

بعدها حط الهموم بدنيته سبه غلاها ** ملها صارت سبب في ضيقته يبغى بديله

لا بغاها كل صعب يهون هذا لا بغاها ** والا كذاب يعشق غيرها جهال جيله

ابتدت رحله عذاب البنت في سكه عناها ** ماتسيل الدمع لجله دمعها كانت تسيله

ذلها ياما ياما ذلها سبه وفاها ** توها ماملته بعيونها باقي تشيله

تساله وين الوله والشوق اول مالقاها ** مشكله بعض البنات حكمتهم قليله

ما تخونه تحسب انه مثلها صاين هواها ** هي تظن الحب قبل الزواج اقرب وسيله

لا.خطا واكبر خطا والحين هي شافت خطاها ** ودها تدمح خطاها بس.ما باليد حيله

كان يتمنى يفوز بحبها راح وطاها ** لو بغت داست على قلبه ولا عاشت ذليله

ايه اجل من تنحى للذل والخوف ورجاها ** لا بعد اكثر وصل فالبنت صارت تنحني له

كل شي صار فيها صار بسبة غباها ** ما تركتها بالعذاب تهيم لين اشفى غليله

يالالله اللي خلق زمزم لهاجر من دعاها ** تستجيب اللي دعا لك بالرضى في كل ليله

ربنا قلت بكتابك في سوره يونس وطه ** من شهد لك رب فاز ومن عصى ياويل ويله

تشهد انك خالق الدنيا بيابسها وماها ** كل شي سبح بحمدك وقال انك وكيله

ربنا تشهد انك واحد عجل هداها ** دلها للي يبعد عنها فعل الرذيله

واجعل القلاان حب وشوق يسري في دمها ** فايز اللي يترك الدنيا وقرانك خليله


تقبلوا فائق احترامي اخوكم صدى الذكريات

والله وابدعت فلي كتبت


كلامك درر وحكم وياليت كل بنت تفهمه


لكن مو المعنا ان مافيه حب قبل الزواج

بالعكس فيه ناس تحب بس بعفه

والحب عمره ماكان بالتلفون والمقابلات الغير مشروعه

لا الحب محله القلب والصمت هو الي يصونه

والعاشق لايصارح من احب الابالحلال


وتقبل تحياتي

صح لسانك ...من جد ابيات رائعه وكلاام منطقي صراحه والبنات فيهم الخير انشاء الله ويميزون بين الصح والغلط........... (بنت الرجال الي بهم يفخر الطيب)بنتهااااااااا