في موضوع ودي اخذ رايك فيه
وعطاني وصلة موضوع من منتديات المجمعة ....
ولقيته موضوع هواش مع منتديات حرمه هنا ....
ورديت عليه بالكلام التالي اللي اوجهه له ولكم ولك من يدور المشاكل ...
ابقولك رأيي بكل حيادية وصدق
انتم ناس فاضين ومن عرفنا حرمه والمجمعة وهم هوشات ويوم تطورتوا وعرفتوا الأنترنت صجيتونا بهوشاتكم ياخي اركدوا واستحوا على وجيهكم لاتزعل من كلامي ذا لكن والله ملينا من هوشاتكم ياخي خلوا كل واحد يغني على ليلاه كل ناس في منتداهم والله يستر عليهم الا لازم نروح وندور مشاكل بالقوة
ياخي وش عليكم من بعض هذا قال وهذا سوى
انتم ناس كباراكبروا عن هالتفاهات والله كرهتونا في منتديات حرمه ومنتديات المجمعة كلهن بسبب هوشاتكم ياخي احتسبها عند ربك وخلاص
واذا كنت انت المخطي خلهم هم يحتسبونها عند رب العالمين
لأنكم مافيه احد راح يعترف إنه هو الغلطان ابد
لأن اللي بيعترف إنه هو الغلطان فهذا إنسان رائع من جد انسان مثالي ومااظن في هالزمن مثاليات
رد علي وقال :
خلاص علشان خاطرك ماراح ارد بالموضوع مهما صار
فأجبته :
تسلم لي وياليت ماعاد تدخل اي مكان قد تهاوشتا معهم عشان ماتقرأ شي يزعلك وتثور اعصابك وهالكلام انا ابوجهه بعد لمنتديات حرمه وابقولهم نفس الكلام اللي قلته له كل ناس يخلون أنفسهم في حالهم ولايروحون منتديات الآخرين اللي متزاعلين معهم عشان مايلقون شي يزعلهم
اسمح لي ابنسخ ذا المحادثه واحطها في منتديات حرمه
عشان يعرفون ان الكلام هذا موجه لك ولهم
أخواني مسفهل وراعي حرمه
ياليت ماتحذفون الموضوع وتأخذون الأمر بتعقل وتفكر أكثر .... وتصدرون قرار بمنع اي تفاهات من هذا النوع اقصد الهوشات وقلة الحياء هذي ...
ياليت والله نبي ننبسط بمنتدى ديرتنا بدون هوشات مع أحد
أخوكم
أبوقهر
