منتديات مدينة حرمة > اللي وده يعرس يقرا هالموضوع

راعي النزية

31-07-2003, 01:38 am

اللي وده يعرس يقرا هالموضوع

الرساله ابلصقها مثل ماجتني عن طريق الايميل بدون تغيير وهي تتكلم عن الزوجات:

اذا بغيت وحده تمسك فلوسك ولا فلس يفتر خذ : قصيميه

اذا بغيت تحس بمعنى الزوجه حتى لو يجيلك مليون بزر خذ : زبيراويه

اذا بغيت ما تدري من الرجال في البيت خذ : حجازيه

اذا بغيت الاتيكيت اللي مهوب يم سنع خذ من :الشرقية

اذا بغيت وحدة ما تدري وين ربي حاطها فيه خذ : حايليه

اذا بغيت وينك فيه وين بتروح خذ من الرياض

اذا بغيت ودني للسوق ودني لهلي خذ من الخرج

اذا بغيت وكالة انباء عندك في البيت خذ من شقراء

اذا بغيت العجازه مرررره خذ من اوشيقر

واذا بغيت سعة الصدر والوناسه و أنواع الترفيع خذ حساويه

واذا بغيت الملعنه والنكد خذ كل اللي فوق والله يعين

__________________

ملاحظة (ماعدا بنت حايل .. قالت بالحرف الواحد ( عِرقٍ يفصّ ظهره اللي كاتبها .. أجل أنا مدري وين ربي حاطني فيه ؟؟ )

مسفهل

31-07-2003, 08:31 pm

خذ سديراوية وعلى ضمانتي

مرتـــــــــــــــاح

2-08-2003, 02:50 am

خذ لك وحده امها زبيراويه ..

ودارسه في الاحساء ..

وساكنه بالقصيم ..

يعني 3 في 1

وانت الرابح ..

مسلهمه في مسيل الكلبي

2-08-2003, 05:03 am

اذا بغيت التحشيم .. والسنع .. والوجه الحسن .. والتربيه الصالحه لذريتك .. وتبييض الوجه في كل الامور .. والفزعه بكل مشكله ... خذ لك حرمــاويه

طرح ممتــع ... ورائع
شكرالك ..

المسلهمه ..

فتاة سوق السبت

4-08-2003, 01:40 am

اشوى ماجا لمنا السب

ماقالوا شي في السديراويات

بس اهم شي خذ وحده اصلهاا حرماوي والله ماتندمم<<<

ياحبيل بنات حرمه تكفون جعلهن يكثرن

تحياتي وماقرتي يامسلهمه كلامك حكككم

ومشكوووووووووووووووووور راعي النزيه

سبع طعش

4-08-2003, 02:15 am

بلا سدير بلا تمير
أها بس
مهنى احلى من السوريات
ولا وش رايكم ايها السديراويه

فتاة سوق السبت

4-08-2003, 06:23 am

وش سورياته

السعوديه ولا فلااا

سبع طعش

5-08-2003, 10:18 am

ودنا نشوف عيالنا شقران عطران؟؟

ذبحتنا الشموس؟؟

والسوريات جمالهن فتان؟؟

وشوفتهن تبعد الهاجوس؟؟

ليلك

10-08-2003, 01:32 am

حسبي الله عليك يالسبع طعش

بس ياخوفي يصيرون عيالك شبه عمانهم

ههههههههههههههههههههههههههههههههه

أمزح

هتان

10-08-2003, 02:39 am

يا سبع طعش يا ويلك من الله

تبي وحده تقولك " برادات تشرح الالب " ( القلب )

طيب حنا لو نقول ما نبي ها الشهبان " يعني انتم " تبي ناخذ من ها اللبنانيين وها السوريين وش تبون تقولون .

لكن حنا أعقل من كذا حنا نبي من ديرتنا رجاجيل والله بس عيونهم زايغه شوي وبس مو مشكلة نسنعهم اذا جو للبيت

والا وش رايكم يا بنات ؟

سبع طعش

16-08-2003, 02:11 am

والله انك جبتها اخوي ليلك
تبي تصير خلطه
وكل ماشفت نفسي وشفت عماني
قلت الله يستر مامن تحسن للنسل
هاها ها ها

ذيب السهيلات

17-08-2003, 04:02 am

عندنا اغلى البنات...ما توصفهم صفات

دونهم حرب وممات...الشرف..الله اكبر

يابنات أهل سدير ...يابعد كل حر وطير

يابنات أهل الوشم...اهل اجود واهل الكرم

يابنات اهل القصيم...يابعد ذاك النسيم

يا بنات اهل الحجاز...دونكم نار وقاز

يا بنات اهل الجنوب...الفخر عز وثوب

يا بنات اهل الشمال...وصفكم صعب ومحال

ويابنات ذيك الديار...اسمها الشرقيه صار

ويابنات نجدي ونجدي...اصلكم عزي ومجدي

عندكم قلبي ووجدي...والسنع الله اكبر

لا تلوموني في بلادي...حبها ساكن فؤادي

ودام ذا المذن ينادي...للصلاه الله اكبر

ارضنا ارض الكرامه...وكل هاوي هي غرامه

ماتبي عيال الرخامه...الخلا الله اكبر

بين جده والمدينه...وبكل قريه وكل مدينه

شايب رافع يدينه...طائلن الله اكبر

بحمي بيتي وبحمي عرضي...ايه اموت وتحيا ارضي

ولين صلى الناس فرضي...ابتدوا با الله اكبر

افتخر اني سعودي...وارضي بانيها جدودي

ريحها ارضي وعودي...وعابدين الله اكبر

لا تلوموني فهواها...عاشق ارضي وسماها

والدمار للي نواها ...ألدمار الله اكبر

ذيب السهيلات 19/6/1424

مسلهمه في مسيل الكلبي

25-08-2003, 01:36 am

الله اكبر ...... صح لسانك