السلام عليكم ورحمة الله وبركاته

موضوع ساااخر عن تفكير بعض الحريم الله يهديهن بس << لاتناظرين وتبجين بعيونتس أنزلي وأقري الموضوع

جلست أمي تصارع في المطبخ اكثر من اربعة شهور مابين قدر وصحن وكاس وتنظيف وترتيب الصالة والغرف واخواتي الله من العجز تقل يمشن على بيض !! لدرجة ان امي اذا جت نلقى القدر ناشب في شيلتها والا اذا راحت لعزيمة وحكت راسها طاح من شعرها ملعقة !! المهم ماعلينا من هذي المعاناة .... نقولكم الزبدة !! << زبدة والا لبنة هههع

اتصلوا علي مكتب الاستقدام وقالوا لي ان شغالتكم السيريلانكية وصلت وروحوا للمطار واستلموها !! فرحت امي مررررره وضحكت ضحكة بينت ضروس العقل لدرجة اني قلت لها ( يمة واللي يرحم والديتس سكري أثمتس ) !!

وصلت الشغالة بحمد لله وسلامته بعد معاناة انتظار دامت اربعة شهور ... وقالت امي هاه عاد وش اسمتس !! قلت يمه اسمها سلمى سياتورني قالت سلمى هاااو !!! ( كلمة تعجب واستنكار وشجب يستخدمونها العجز في حرمة بكثرة ) والله بتزعل مرة اخوك اذا رجعت من النفاس بعد اربعين يوم وانا امك وش السواة !! قلت يمة تتوقعين عاد ترد عقلها لهالامور .. لاتصيرون حساسين مره لكل شي !!

راحت الايام .. وياسلمى جيبي الصينية .. ياسلمى صلحي القهوة ... ياسلمى نظفي الصالة .. يا سلمى كنسي الدرج !! وتعودنا على هالاسم وخذنا عليه ... لين جت مرة اخوي في البيت وانتهت مدة نفاسها !! دخلت علينا وسلمت على امي وابوي ... ومرت الشغالة من الصالة وجلست امي تشر لها بيدها ( روحي .. روحي .. روحي ) ولا احد يشوف حركة يدينها وكانت امي مكشرة وتخاف ننحاس وهذي اول زيارة لمرة اخوي !!

فجأة !! قال ابوي الملقوف ... ولا هيب عادته .. سلمى !! قالت مرة اخوي .. سم ياعمي !! قال .. لالا مهوب انتي .. وجلست امي تضربة بمرافتزها وتقبصة .. وتتنحنح ولا فيه فايدة .. وقامت من زود القهر وكبت على رجل ابوي القهوة حااااااااارة بس كلها تبي تصرف الموضوع !! صرخ ابوي وقال .. اااااااااااي وجع ان شاء الله ماتشوفين !! تعالي ياسلمى نظفي القهوة المنكبة وجيبي معتس التمر السكري من المستودع !! قالت مرة اخوي وهي مستغربة من الميانة بهالدرجة عليها !! قامت وقالت أبشر ياعمي .... !! قال ابوي .. لالا مهوب انتي الشغالة سلمى شغالتنا الجديدة .. وجلست امي تحقرص وتقول وهـ ياخزياه !! قامت مرة اخوي من الجلسة وقالت بصوت عالي !! يا سعود تعال أبغاك ( سعود اخوي الكبير ) قام وهو وجهة احمر واصفر والمسيكين فرحان بجيتها !! قالت له وبصوت عالي .. شفت الاستقبال والاهانات مسمين الشغالة علي !! بالله ممكن تقولي وش تقصد خالتي بهالحركة !! ودها تغيضني والا تطفشني والا بتموتني ليه !! انا قايلة لك من زماااان خل نطلع لبيت بروحنا بس ماتسمع أصمخ !! وطرررررررق صكت باب الغرفة وجلست تصيح !!

نزل اخوي منتفخ .. وقال يالله عاد وش الدبرة !! الشغالة هذي لازم نسفرها والا زوجتي مهيب جالسة في البيت !!

راحت مرة اخوي لبيت اهلها زعلانة .... والله مالنا الا نسفر الشغالة ونرضيها وفعلا سافرت الشغالة سلمى هههههههههه وقدمنا من جديد على شغالة ثانية ومن ضمن الشروط اللي كتبناها :
1 – مايكون اسمها سلمى ولا يتكون اسمها من حرف السين او اللام او الالف المقصورة
2 – تسمح لنا نغير اسمها على كيفنا ولا تعترض زي سلمى !!
وفي هذه الاثناء رجعت مرة اخوي وجلست معنا طبيعية وارضاها حلنا !! وطيحت اللي في راسها !!
المهم انطقينا اربعة اشهر زي الاولى لين جانا الفرج !! ووصلت الشغالة الثانية ودخلتها على امي وكانت جالسة تتابع تمثيلية مصرية .... عاد هي مولعة بالتمثيليات المصرية وكانت منفعلة مع احاث المسلسلة وجت وجلست عندها مرة اخوي تتقهوى معها !!
دخلت الشغالة ... وسلمت عليهم وامي كانت مشغولة بالتمثيلية ولكن من هول الفرحة بوصول الشغالة قالت لها : هاااه ايش اسم انتي : قالت الشغالة : انا أسم مريم !! صرخت مرة اخوي بوجه امي والشغالة وقالت .... بعد بعد .. انتم ياخالة متعنين تجيبون الشغالة على أسم امي !!!!! كل هذا بتغيضوني !!! وقامت وراحت تصيح لغرفتها !!
صرخت امي وقالت : عطيبووووووووه ألحئني يامه !! يالهوي بالي يالهوي بالي !!
جيتها اركض وقلت : فيه أيه يامه !!
امي : دي طلعت لنا نيلة كمان !! بص الزاي ... يا محاسن الصدف
انا : فيه أيه يمه أولي لي فيه أيه أرحميني دنا نشف دمي في عروئي !!
امي : والله دنا حاسه ان ام حصة نظلتني ومعطتني العين في شغالاتي !! ومن ألت لي شغالاتكم يام سعود يهبلن !! ومن يومها وانا محتاسة !!
انا : يمه أولي لي بسرعة لأحسن الانتظار يخنئني !!
امي : نسيت أألك دي الشغالة التانية طلع اسمها زي اسم ام مرة اخوك ... مريم !!
انا : والله الزاي دا يحصل ... اااااييي أأأأأأهههه يا ألبي ... أأأألبي أأأألبي أأأألبي يامه ألحئيني !!
طرررردب طرررردب وطحت من على الكنب وانا ماسك قلبي !! وهذي تأثير المسلسلات المصرية أثرت علي وعلى أمي !!

وفي الختام لكم مني أحلى سلام ... واتمنى انها تعجبكم واقول لكل أمرأة ناضجة وبنت عاقلة انها تكبر عقلها ولا تلتفت للامور الصغيرة وتجعل من الحبة قبة !!

عطيب

اجل طالع على الوالد باللقافة ههههههههههههههه

يسلموووووووووو على الموضوع الحلو

أجل لو أقولكم وش أسم شغالتنا ...
أسمها طولي بعمركم (لا لا)
مره قالت لي الوالده الله يخليها لي فلانه تبين غدا قلت لا لا..
جت شغالتنا تدربي دمجتها .. شوي وتاطا قميصها من العجله
والله البحله بعد



أختيار موفق ..
وممتع ..
شكرا لك


تحياتي؛؛؛

هههههههههههههههههههههههههههه

موضوع رهيييييييييييييييب ومصرقع بس ياويلك من ابوك وامك واخوك وشغالتكم سلمى ههههه

الا ماودك تعطيني ايميلك ودي بالشغالة اذا ماتبونها أمي محتاجة وحدة هاليومين هههه

تسلم ونحتري الجديد

ههههههههههههههه
هههههههههههههه
ههههههههههههههههه

حلوه ياعطيب

اقول شغالتكم زينه ولا فنسى مثل شغالتنا

اقول عطيب تبادلون بالشغالات قل تم
ترى شغالتنا سنعه وتطبخ بس فيها عيب واحد

لازم تشتري لها مزيل حق العرق كل اسبوع لانها مخيسه

بس بعد يومين لقتها امي تسبح بمزيل العرق تحسبه شمبو

وابشرك انحلت المشكله

هههههههههههههههههه

حلوووووووووووووة يالعطيب

بس بيني وبينك أنتم معطين مرة اخوك وجه والا مافيها شيئ ؟؟

تلقاها عند ربها احسن منها ومن امها؟؟

<<<<<<<< الله من الفلسفة

خخخخخخخخخخخ

بس ولو الموضوع رااااااااااااااااااااايق

تسلم ويعطيك الفا عافية...........

مشكور أخوي على هالموضوع,فعلا إبداع , لكن السؤال ليش غيرتوا لهجتكم آخر الفيلم صرتوا مصريين وإلا وش القصه.

هههههههههههههههههههههههههههههههههههه
ههههههههههههههههههههههههههههههههههههههههههههههههههه
الله يرجك والله يااااااااااااااا لوالد نكبه كب الدعوى .. ولا اسم سلمى ماهيب عاقله شغالكم هههههههههههه

مشكورررر والله قصه رهيبه وخاصه وصفك الدقيق لحركات الوالده ههههههههههههه صراحه كني عايش السافه
تسلم يااخووي عطيب لك تحياتي وقصه مهضومه كتير كتير
ههههههههههههههههههههههههههههههههههههه

والله فشلن فيكم مرة .. ابطيت عليك

بحر :
لقافة عطيب فرع من لقافة الوالد بس لاتفضح
تسلم لحضورك

مسلهمه في مسيل الكلبي :
شكرا وتحياتي لحضورك

القروي :
اجل تبي الايميل علشان الشغالة خخخ والله شكل سلمى اشغلتك بالهواجيس
ياحبيلك انت ورد .. مدري هو انت القروي الي في بالي والا لا ؟
مشكور لردك

منتهي :
مزيل العرق ماييزي ودك تغطسها في ديتول خخخ
اقول شغالتنا مافيه أزين من خشمها بس تراها شوها تصيح من أدنى لمسه
مشكور لردك

كتكوت :
والله انك صادز ,,, تلقاها افضل مننا كلنا بس ربك يستر ويصلحنا
مشكور لردك

بديع الزمان :
أخر الفلم تأثرت أمي بالمسلسلات المصرية
مشكور لردك

عرق الاثلة :
هلا والله وغلا بالغالي .. الوالد لاتخاف امي صكته بالفنجال ولا عاد تكلم الى يومنا هذا
شكرا لأطراءك ( حلوه اطراءك ) والله جعل الجميع يستفيد من كتاباتك يالغالي
مشكور لردك