اللقاء الحميم بين مشرفة الساخر ومشرفة الأسره
منتدى حرمه .. اللقاء الأول لفتاة سوق السبت ومسلهمه في مسيل الكلبي.
منتدى حرمه ..
منتدى حرمه ..
كيف نشكــــــــــــرك
يامنتدى مدينتا الغاليه ؟سوف أعود بالذاكره الى الوراء عدة سنين تقريباً مايقارب 6 سنوات
وقتها كنت أنا ادرس بالصف الثاني ثانوي .. كانت وقتها صديقتي مسلهمه في الصف الأول متوسط( ياقلبش صغنونه .. ترى منول تحط قرنين ) <<< والله تنصب.
لن أقول بدايتي معرفتي بمسلهمه فقط كنت أعرفها حتى قبل أن تلتحق بالصف الاول متوسط لكن كنا وقتها بزارين .. همنا لعب حريم على بيبان مدرستنا الابتدائيه .
بحكم أني كنت في المرحله الثانويه .. وقتها يقالك شايفين رويحتنا كبار.. مانحاتسي بنات المتوسط الا من طرف خشومنا ( يامصلنا تكفون
).. لكن على الرغم من تباعد السنوات بيني وبين مسلهمه الاانها كنت اعتربها .. واحده من صديقاتي المقربات جداً
في تعاملي وتعامل غيري معها .. كانت دائما تظهرذات شخصيه رزينه .. مع انها صغيره
بالنسبه للي في عمرها ..حتى صديقاتي ( بقيه الشله الذهيبه
) كان يكنون لها احترام. مشاءالله لاحديثها ولاسواليفها .. حتى في بسطتنا في المقصف في الساحه وحتى بين أوقات الحصص.. كانت تقبل وتسولف معنا .. وبصورة عامه اخرى لست انا فقط من يقول هذا الكلام كل من عرف مسلهمه .. يقول نفس الكلام .
(( عذراً....
فانا اعرف أن شهادتي فيها مجروحه))المهم عاد جت الثانويه العامه وانتقلت مسلهمه للصف الثاني متوسط .. ومازات علاقتي بها مجرد زماله في المدرسه
وجائت أوقات الامتحانات
كنت اول ماطلع من اللجنه نجدها هي ومن معها من صديقتها .. في أستقبلنا .. وبصوت عالي وعلى ملامحهم علامات التعجب( هاااااااااه بشروا .
. سهل ولاصعب )طبعا مشاء الله سيماهم في وجوههم .. اذا حالين زين الكشره
من هنا الى هنا .. وذا زفت ... نطلع وانحن نكركر 
<<< لاتشرهون الحاله النفسيه لها دور ههههههههههههههبس كانت اياااااااااام رائعه بكل ماتحمله كلمه رائع من معنى قوي وشامخ ...
تخرجنا وانتقلت للدراسه .. في المرحله الجامعيه .. لم تكن علاقتي بها قويه .. يعني مجرد معرفه ..اكملت دراستي ومسلهمه دراستها وعندما وصلت للسنه الاخيره في الجامعه ..
.. فتح هذا المنتدى مصراعيه ... لن تتصورا فرحتي فيه ... ( بغيت انهبل يوم دريت انه فيه منتدى يحمل أسم حرمه ) .. دخلت المنتدى وسجلت .. في البدايه وكأي منتدى يكون
المشاركات فيه قليله ... لكن والله العظيم من دخلته وانا جايزن لي أسم مسلهمه .. تبعنا بعض بالردود والمواضيع لم اكن اتصور ان تلك الفتاة التي كنت اعرفها خلال دراستي في ثانويه حرمه هي من تكتب
في هذا المنتدى وتطرح مثل هذه المواضيع والردود ..
( ولا اللوم من يقول عن مسلهمه حين التحاقها بهذا المنتدى .. انها كاتبه .. او جامعيه .. ومنهم من قال صحفيه في جريده ما ..لانها بالفعل كانت تسبق عمرها )
اكيد تسالون شلون عرفت ان مسلهمه .. هي نفسها البنت اللي درست معها في مدرسه وحده
؟ مانيب قايله لكم شلون بالضبط... بس كانت بالصدفه وعن طريق وحده .. وأثناء حديثها مع مسلهمه في المدرسه خقتني عندها و فضحتني باسمي عند مسلهمه
ومسلهمه ماقصرت يوم عرفتني .. قالت للبنت: قولي لها ترى انا مسلهمه اللي في المنتدى <<< خقاقات ههههههههههههههههههااي
بصراحه ماصدقت ... انها هي كنت اتوقع من تحمل اسم مسلهمه في مسيل الكلبي ..كاتبه واو بالاصح لم اتوقع انها بهذا الصغر في العمر ... بس كانت صدفه رائعه
المهم عاد يوم عرفنا بعض ... صارات علاقتنا فقط في حدود المنتدى .. ردود مواضيع .. هذا غير رسائل الخاص ..يا فيها قصص وذكريات ايام الدراسه الله يقطع شياطينا .
بعدها عاد طبعا.. تطورنا بالايميلات .. ممن تدخل مسلهمه المنتدى وتلقاني قالطه فيه ..ابد ماقعد دقيقه الا مرسله رساله ...(( ياله اقلطي ماسنجر )).. وهات ياهذر مافيه احد من أعضاء المنتدى ولامشرفينه....
الا جايبن طاريهم .. بس والله ترى كله بالخير مانحش احد ابد هههههههههههههههههههههههههههاااي.
حتى بالتلفون .. يعرفون اهلي اذا دقت مسلهمه مالا يقل عن ساعاتين متواصله هذر ثلاث ارباعها .. سواليف عن المنتدى.. وتطوراته ومواضيعه ورديتي مارديتي ..
طبعا وكل هذا وانا ومسلهمه لم نرى بعض الا قبل 6 سنوات .. يعني يووووووووه ياهي تغيرت معالمنا ...
وجا ذاك اليوم وكتب ربي ... ان يكون فيه أجتماع عام وملتقى في مدينه حرمه ... وتواعدنا .. ماتتصورن بس نحتري هاليوم يجي عشان مسلهمه تشوف فتاة وفتاة تشوف مسلهمه .
حتى اذكر الظهر اول مافتح رسائلي لقيت رساله من مسلهمه .. تقولي ترى على وعدنا العصر اليوم <<< ياحبيلها هههههههههههههههههههه
تكشخنا ... ومشاء الله مسلهمه كانت سابقتي ..هناك
اول مادخلت واقبلت على البوابه ... كانت عيوني
تدور في المكان ...ادور مسلهمه .. كانت صورتها في ذاكرتي يمكن مشوشه شوي
بس لو اشوفها راح اعرفها .. بس كنت راسمه بالي وحده ثانيه.. طبعا 6 سنين موب شويه..
اول ماقبلت على البوابه وانا احمل في يدي اليمنى حقيبتي الصغيره وفي اليسرى عبائـــــتي
... رفعت رأسي وانا أصعد اخر درجه ..
وقفت ... أقبلـــــــــــت وحده تركض........ أقبلت مسلهمه من بعيد.. وبالضبط كانت طالعه
من غرفه صغيره وقفـــــــت ... انا اذاكر هالشبه بس معقووووووله
كبـــــــــــــــــرت كذا بنت اللذين هههههههههههههههههههههههههههههههههااي
وصرخــــــــــــــــــه من فتاة
..... وتتبعها أخرى من مسلهمـــــــــــــــــــــــــه ...وكل وحده فاتحـــــــــــه ذراعيه لتحتضن الاخرى ...
وبهمسات كل وحده تقول لثانيه عشان مايسمعنا احد
واخيرا فتاة ومسلهمه في مكان واحد ههههههههههههههههههههههههههههااي .... وهذا كان اول لقاء .. من بعد تعارفنا في المنتدى .. كل وحده مغير تهد في الثانيه والله تغيرتي .. وكبرتي وحلويتي <<< الا غصب أأأمدح هههههههههههههههههههااي
لم يكن هذا هو اللقاء الوحيد .. بلى تلته بعدها لقاءات ... ومن اهمها ... استقبال مسلهمه ضيفه في بيتنا ( بيت فتاة سوق السبت )
.. ياااااااااااااااه وناسه هذاك اليوم ..ماودي انها طالعه من عندنا ... حتى مسلهمه كل مادقوا
اهلها صرفنا توناااااااااااااا ماتعشينا عشان تطول اكثر.
بعد كل هذا ... وبعد هذه القصه ... الا يحق لي أن احبب هذا المنتدى ... الا يحق لي .. انا نفخر بمنتدى مثل هذا .. ليس بسهل على اي شخص ان يجمع شخصين بعد غياب طويل
لكن منتدى حرمه قرب البعيد .. وقوى علاقه الصغير بالكبير ...
منتدى حرمه ؟؟؟ منتدى الجــــــــــــــميع ... أحبك يااغلى منتدى
.. أعدك .. اننا لن نتخلى عنك لانك مكان الذي جمع الاحباب تحت سقف وبناء واحدشكرا لك يامنتدى حـــــــــــــــــرمه ... شكرا .. لمن قام على هذا المنتدى ... شكرا لمن .. رعى هذا المنتدى وحرص عليه
شكرا راعي حرمه
..... شكرا مسفهل اعذرونا على القصور
.. أعدكم بالأفضــــــل إن شاء الله 
وتحيه عطره الى الغاليه مسلهمه ... واقولها الله يذكرك بالخير .. اتمنى عودتك للمنتدى .. لانه بالفعل
يفتقدكأختكم فتاة سوق السبت
والنكات والحركات 
,,,,,,,,,,,,,,,,,بالنسبة لي ما اعرف اي احد شخصيا بالمنتدى لكن لن استغراب اذا صار واحد من الاعضاء اعرفه قرابة او صداقة ((((خاصة بما انا الاغلبية من مدينتا))بلديتنا)))))))))
إذا ناوين تشكلون عصابه بالأقلام .. من الحين تراني معكم ..( كودنا نطب على كيبل المنتدى ونقلب لونه وردي 
)
ولالالالالا شـــــــي 
¶«¤°™™°¤»¶
فتاة سوق السبت
