يالله حيهم واحيهم
هذي الساعه المباركه اللي دخلتوا فيها موضوعي :
جيت بقول لكم معاناتنا مع الكمبوتر
وان تسان ودكم تشترون لنا واحد الله يجزاكم خير بس اهم شي يصير لاب توب وغالي والا ترى ما نبيه <<<<<<<< طراره وتتشرط
[color=orangered]بدت معاناتنا قبل اربع شهور حيث انه جهازنا الاول لقد انه خرب من كثر ما فككنا فيه وحسناه وما خلينا فيه شي صاحي
قررت انا واختي نشتري جهاز جديد
ونتصل على محل الكمبوترات ونسأله عن الاجهزه يقال لنا اننا فاهمين وحنا من جنبها
وكل يوم نتصل ونسأله وهو ما غير يعيد نفس الكلام كل يوم والمسكين مل مننا بغى يعطينا جهاز هديه
وبعد مؤتمرات ومشاورات واخذ ورد بيني انا واختي
<<<<<<<<<< بيصنعون قنبله نوويه من هالمشاوراتقررنا نحن ريماس ما هو آت :
<<<<<<<<< مب عاقله مجلس الوزراءاولا : اننا نشتري كمبوتر جديد
ثانيا : محد يفتحه الا انا ويااختي <<<<<<<<<<< نذاله
ثالثا : على الجهات المختصه تنفيذ امرنا هذا .
طبعا رحت اتصلت على المحل وقلت له وش نبي وقلت له متى بتجي قال بعد نص ساعه
مرت نص ساعه ما جا
ساعه الا ربع ما جا
ساعه
واخذ التليفون بتصل بس ما امداني رفعت السماعه الا
ترن ترن ترن ترن <<<<<<<<<<<<< مب التلفون هذا الجرس
وتنقز اختي الكريمه وتاخذ جلالها من الحماس لازم ترتز عنده وهو يدخل الكمبوتر
الحمد لله وصل الكمبوتر رحنا انا واختي بنشبك الاسلاك
الكيبورد خربااااااااااااااااااااااان يا لهووووووووووووووووي
الماوس ما يشتغل
السماعات مدري شفيها
الشي الوحيد اللي يشتغل هو المودم
اهم شي الاخلاق وحب الوطن
على طول للتلفون
أنا : الووووووووووووووووووو
هو: الووووووووووووووووووووووووووووووو
أنا: ليش الكيبورد ما يشتغل والماوس تعال الحين خذها وغيرها والا صلحها <<<<<<<<<< ما عندها وقت
هو: انا ما في معلوم كلام مدير
أنا: عطني الرقم <<<<<<<<<< ما فيه تفاهم
هو:***************************** <<<<<<<<<<<<< رقم دولي ذا
سكرتها واتصلت بالمديرالمهم ما فهمت كلامه
ونرسل كل اللي ما يشتغل مع اخوي
ومثل ما يقولون قديمك نديمك
رجعنا لشاشتنا الاولى والكيبورد والماوس
حتى السماعات لان اللي اشتريناهن خربن بعد كم يوم يعني ما فيه جديد الا المودم
اهم شي انه ينفتح النت
جلسنا فتره وحنا عايشين بسلام مع هالكمبوتر :
مره صرت سنعه وقلت بنظف الجهاز
لانه الغبار حاجب عنا الرؤيه والجو غائم الى غائم جزئي <<<<<<<< الاحوال الجويه المهم واجيب الفوطه وبخاخ تنظيف وانظف الشاشه والطاوله يوم جيت للمودم شلته من الطاوله عشان ما يخرب ونظفت تنظيف يمشي الحال :
ومسحت المودم واجي بشغله ما يشتغل
ومره ثانيه احاول ما اشتغل
وتجي اختي وتحاول فيه ما اشتغل
وبعد محاولات
حسيت برائحه تخترق انفي واذا بالمودم قد احترق << يمديكم على الفصحى
لااااااااااااااااااااااااااااااااااااااا
صرخت ما اقدر اتحمل يوم بدون النت
امووووووووووووووووووووووت اذا ما كلمت جووووووووري بالمسن <<<< عوقها السواليف
من بكره على طول اتصلت على المحل <<<<<<<<<<<< احس الهندي بينتحر مننا
وقلت له عن المودم طبعا قال جيبوه قلت انت تعال خذه قال لاااااااااااااااااااااااااااا
بعد محاولات وافق وجا
اخذه وقلت له فرمته وحط برامج حمايه ومن هالخرابيط
جانا الجهاز
ياليته مثل قبل .........لا ........... ...طلع يجيب الهم هذا اللي مفرمت وانا اقول بيطلع زين وبيتعدل حاله
آآآآآآآآآآآآآآآآآآآآآآآآآآآآآآآآآآآآآآآآآه
قسم بالله صار يرفع الضغط
مثلا : وانا متحمسه اسولف بالمسن تطلع لي نافذه حصل خطأ سيؤدي الى اغلاق المسن ويتسكر
واذا جيت افتحه مره ثانيه يعاند ما يفتح على طول والا يعلق علي
بس انا قايله يا انا يا المسن لازم اوريه واعلمه انا من <<<<<<< انهبلت
وانا جالسه اقرا قصه ومندمجه يتسكر كل الايطارات اللي عندي
وانا اتصفح النت يتسكر الجهاز كله
وانا احمل برامج ما بقى الا شوي ينقطع الاتصال
خلااااااااااااااااااااااااااااااص لقد انني سوف ارتكب جريمه في هذا الجهاز
لكن ما اقدر الحين لاننا ما نقدر نستغني عن النت عشان كذا ذالنا هالجهاز ويمشي كلامه علينا والمشكله اذا جا بيتسكر ما يستأذن ...لا..... يتسكر من نفسه
في الختام:
اهنيكم باليوم الوطني<< ما عرفته الا يوم صار اجازه
والله يديم علينا امننا ووطننا الغالي
تحياتي
