يا بحر بسألك ليش امواجك الليله تعاني
انت مثلي يا بحر قبل امس فاقد لك حبيبــــــ


إنت متضايق عشانك .. وإلا متضايق عشاني
اسالك بالله يا بحر ... وش المصيبـــــــــــه؟

إلا اقول:!.. اسكت وانا بحكي عن اللي لك خذاني
ببتدي معك الكلام... وكل ما عندي بجيبـــــــه


تذكر اللي لا لفاني بشر القلب المحاني
تذكر اللي كله حب وغرام ونهر طيـــــــبه

تذكر اللي صوته تشتاق له حتى المواني
كل مينا يسأل الثاني .. اذا طول مغيبه


تذكر اللي في كفوفي يشعل الدنيا اماني
تذكر اللي نوره سود الليالي تقتدي به


تذكر اللي سلهمته يقلب الساعة ثواني
تذكر اللي عطره حتى طيورك تحتفي به


تذكر اللي علمني كيف اروض هالمعاني
كل ما مر عليه رحت للشعر انتخي بــــــه

تذكر اللي كل صبح يمرني باحلى تهاني
صار كل العمر عيد وصار اقرب من قريبه


قبل يومين تركني ورحل مع شخص ثاني
شخص ما كان يحبه بس مدري وش يبي به؟؟


ادري اني من سببه كاسر خاطر زمــــــــاني
وادري اني اول انسان كسر خاطري نصيبــــــه

وادري ان الله اخذ مني مثل ما هو عطاني
وادري ان الغالي راح رضا ماهو غصيبة


بس اقول الله كريم وعمر كل انسان فاني
والمكـــــــان اللي خلا من زوله وش ينبغي به؟؟





منقول من ايميلي بصراحه كان ودي اعرف الشاعر عشان مانسلبة حقوقة بس للأسف ماقدرت .

للشـآعر / سعد المويهي ..

يعطيك الف عافيه ع النقل ..

شكرآ لتفآعلك .

يعطيك العافيه اخوي ومشكور على اسم الشاعر .

ما قصرت يا مغترب .. على اختياراتك الرائعة

مشكووووووووووووووووووووووووووووووووووووووووووووووووووووووووووووور
و
ماقصرررررررررررررررررررررررررررررررررررررررررررررررررررررررررررررررررررررررررررر
ت