هلا بالغالين عيال الغالين
تبون اقولكم قصيده سمعتها من واحد من الاخوان يقاله ( سعود بن شافي العجمي ) من اللي نشتري مخاواتهم للبراري وايام الصيد
وفي احد الرحلات قال قصيده الله يحفظه ان كانه حي .. ويرحمه ميت وحي
المهم قال هالقصيدة :-
وربع نشامى فعلهم يرفع الــــــرأس *************** والكل منهم دون ربعه يفادي
ما بينهم منهو كذوب وبـــــــــــلاس *************** ياكود رجل للمراجيل جادي
وهرج السواليف بيننا حين الادماس *************** تحت النجوم اللي تزين البيادي
جو لطيف ممطر هاض الاحـســـاس *************** وسود السحايب برقها والرعادي
ولاذعذع الغربي علينا بنــسنــــــاس *************** بريح الخزاما فايح كل وادي
وصفر الدلال اللي على النار جــلاس *************** تبرى خوا منهو يحب القنادي
قمت اتمثل ما طرالى بقرطـــــــــاس *************** هاضت شجون اللي يحب البوادي
وسط القفار اللي بها العشب محـتاس *************** وشوف الفيافي بالنظر والبجادي
